ಡಿಸಿಎಂ ಡಿ.ಕೆ.ಶಿವಕುಮಾರಗೆ ಅವಾಚ್ಯ ಪದ ಬಳಕೆ ಮಾಡಿಲ್ಲ, ಕಾರ್ಯಕರ್ತರು ಮಾಡಿದ್ರು ವಿಷಾದ ವ್ಯಕ್ತಪಡಿಸುತ್ತನೆ.

ರಾಣೆಬೇನ್ನೂರು: ಡಿಸಿಎಂ ಡಿ.ಕೆ.ಶಿವಕುಮಾರ ಅವರಿಗೆ ನಾನು ಯಾವುದೇ ರೀತಿಯ ಅವಾಚ್ಯ ಪದಗಳನ್ನು ಬಳಕೆ‌ ಮಾಡಿಲ್ಲ, ಪ್ರತಿಭಟನೆ ಸಮಯದಲ್ಲಿ ನನ್ನ ಹಿಂದೆ ಇದ್ದ   ಕಾರ್ಯಕರ್ತರು ಅಂತಹ ಪದ ಬಳಸಿದರೆ ನಾನು ವಿಷಾದ ವ್ಯಕ್ತಪಡಿಸುತ್ತೆನೆ ಎಂದು ಮಾಜಿ ಶಾಸಕ ಹಾಗೂ ಹಾಲಿ ಬಿಜೆಪಿ ಜಿಲ್ಲಾಧ್ಯಕ್ಷ ಅರುಣಕುಮಾರ ಪೂಜಾರ ಹೇಳಿದರು.

ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಡಿಸಿಎಂ  ಶಿವಕುಮಾರ ಇತ್ತಿಚೆಗೆ ಸಂವಿಧಾನ ಬದಲಾವಣೆ ಕುರಿತು ಹೇಳಿಕೆ ಹಾಗೂ ಶಾಸಕರ ಅಮಾನತು ಖಂಡಿಸಿ ಪ್ರತಿಭಟನೆ ಹಮ್ಮಿಕೊಳ್ಳಲಾಗಿತ್ತು. ಈ ಸಮಯದಲ್ಲಿ ನಾನು ಸರ್ಕಾರದ ವಿರುದ್ಧ ಹಾಗೂ ಡಿಕೆಶಿಗೆ ಧಿಕ್ಕಾರ ಕೂಗಿದ್ದೇನಿ ಹೊರತು ಅವರಿಗೆ ಅವಾಚ್ಯ ಶಬ್ದವನ್ನು ನಾನು ಬಳಕೆ ಮಾಡಿಲ್ಲ ಎಂದು ತಿಳಿಸಿದರು.

ಜಿಲ್ಲಾ ಬಿಜೆಪಿ ವತಿಯಿಂದ ಆಯೋಜನೆ ಮಾಡಿದ್ದ ಪ್ರತಿಭಟನೆಯನ್ನು ಕೆಲವರು ತಿರಚುವ ಯತ್ನ ಮಾಡಿರುವುದು ಕಂಡು ಬಂದಿದೆ. ನಾನು ಸರ್ಕಾರದ ವಿರುದ್ಧ ಹಾಗೂ ಡಿಕೆಶಿ ವಿರುದ್ಧ ಧಿಕ್ಕಾರ  ಘೋಷಣೆ ಕೂಗಿದ ಸಮಯದಲ್ಲಿ ನನ್ನ ಹಿಂದೆ  ಕೆಲವರು ಘೋಷಣೆ ಕೂಗಿದರು ಅದನ್ನು ನಮ್ಮ ವಿರೋಧಿಗಳು ತಿರುಚಿ ಡಿಸಿಎಂ ಡಿಕೆಶಿಗೆ ಅವಾಚ್ಯ ಶಬ್ದವನ್ನು ಬಳಸಿದ್ದಾರೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಹಾಕಿ ನನ್ನ ವಿರುದ್ಧ ಆರೋಪ ಮಾಡುತ್ತಿದ್ದಾರೆ. ಒಂದು ವೇಳೆ ಪ್ರತಿಭಟನೆ ಸಮಯದಲ್ಲಿ ಯಾರಾದರೂ ‌ಕಾರ್ಯಕರ್ತರಯ ಆ ರೀತಿಯ ಘೋಷಣೆ ಕೂಗಿದರೆ ನಾನು ಹಾಗೂ ಬಿಜೆಪಿ ಪಕ್ಷದ ವತಿಯಿಂದ ವಿಷಾದ ವ್ಯಕ್ತಪಡಿಸುತ್ತೆನೆ ಎಂದು ತಿಳಿಸಿದರು.