ಪಾದಚಾರಿ ಮಾರ್ಗ ಒತ್ತುವರಿ ತೆರವುಗೊಳಿಸದಿದ್ದರೆ ಹಿರಿಯ ನಾಗರೀಕರಿಂದ ಉಗ್ರ ಹೋರಾಟ..!

ರಾಣೆಬೇನ್ನೂರು: ನಗರದ ಪ್ರಮುಖ ರಸ್ತೆಗಳಲ್ಲಿ ಕೆಲವರು ಅವ್ಯಾಹತವಾಗಿ ಪಾದಚಾರಿ ಮಾರ್ಗಗಳನ್ನು ಒತ್ತುವರಿ ಮಾಡಲಾಗಿದ್ದು, ಕೂಡಲೇ ನಗರಸಭೆ ಅಧಿಕಾರಿಗಳು ತೆರವು ಮಾಡಬೇಕು ಇಲ್ಲದಿದ್ದರೆ ಉಗ್ರ ಹೋರಾಟ ಮಾಡಬೇಕಾಗುತ್ತದೆ  ಎಂದು ನಾಗರೀಕ ಹಿತರಕ್ಷಕ ವೇದಿಕೆ  ಅಧ್ಯಕ್ಷ ಡಾ.ಎಸ್.ಎಲ್.ಪವಾರ ತಿಳಿಸಿದರು.

ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ರಾಣೆಬೇನ್ನೂರು ನಗರದಲ್ಲಿ ಸರಿ ದಿನ ನಿತ್ಯ ಒಂದು ಲಕ್ಷ ಜನರು ತಮ್ಮ ವ್ಯಾಪಾರ ವಹಿವಾಟಿಗೆ ಆಗಮಿಸುತ್ತಾರೆ. ಆದರೆ ದಿನ ನಿತ್ಯ ಸಂಚಾರ ದಟ್ಟಣೆ ಹೆಚ್ಚಾಗಿದ್ದರು ಜನರು ಸಹಿಸಿಕೊಂಡು ಹೋಗುತ್ತಿದ್ದಾರೆ. ಆದರೆ ಜನರಿಗೆ ಮೀಸಲಿಟ್ಟ ಪಾದಚಾರಿ ಮಾರ್ಗವನ್ನು ಸಹ ಕೆಲವರು ಅತಿಕ್ರಮಣ ಮಾಡಿಕೊಂಡು ಅಂಗಡಿಯ ಮುಗ್ಗಟ್ಟು ಹಾಕಿಕೊಂಡು ವ್ಯಾಪಾರ ಮಾಡುತ್ತಿದ್ದಾರೆ. ಇದರಿಂದ ಸಾರ್ವಜನಿಕವಾಗಿ ಬಹಳ ತೊಂದರೆ ಉಂಟಾಗುತ್ತಿದ್ದು ಇದನ್ನು ನಗರಸಭೆ ಅಧಿಕಾರಿಗಳು ತೆರವು ಮಾಡಬೇಕು ಎಂದು ಒತ್ತಾಯಿಸಿದರು.

ಇದನ್ನು ಸರಿ ಮಾಡದಿದ್ದರೆ ಮುಂದಿನ ದಿನ ನಗರಸಭೆ ಎದುರು ಉಗ್ರ ಪ್ರತಿಭಟನೆ, ರಸ್ತೆಗಳನ್ನು ಬಂದ್ ಮಾಡಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು.

ಸುದ್ದಿಗೋಷ್ಠಿಯಲ್ಲಿ ಮುಖಂಡರಾದ ಡಾ.ಗಿರೀಶ ಕೆಂಚಪ್ಪನವರ, ಜಗದೀಶ್ ಅಂಕಲಕೋಟೆ, ಎಂ.ಎಂ.ಪಾಟೀಲ್, ಅಮರನಾಥ ಭೂತೆ, ಎಮ್.ಕೆ.ಮೆಹರವಾಡೆ ಹಾಜರಿದ್ದರು.